အစာအိမ်နှင့် ရန်ဖြစ်ခြင်း
မိုးမလင်းသေးခင်က
ငါ့အရင် ထလို့ ထ
ငါ့ရင်ဝကိုခြေနဲ့ ကန်
အူနံရံတွေကို တစ်ဂွမ်းဂွမ်းတီး
ဟေ့ကောင်....
အစောကြီးရှိသေးတယ်ဆိုလည်းမရ
ရေတစ်ခွက် ထချလိုက်မှပဲ
နဲနဲလေးငြိမ်ကျသွားတယ်...။
ဒါပေမဲ့ ...မကြာပါဘူး
လူးလဲပြီးပြန်ကာထ
ဗိုက်ဆာလိုက်တာဗျတဲ့ လေ.။
ဒီတခါတော့ ကျွန်တော်လဲ
ဆဲဆိုကာမာန်မဲပြီး.......
"ဟေ့ကောင်ကြီး ငစာအိမ်''
ရွှေစည်းစိမ် ထမင်းဆိုင်ကြီးက
သခွားသီးနဲ့ ငပိချက်
ညနေဘက်ကကျွေးထားတာပဲ
ဒီမနက်တော်အုံးကွာ ဆိုတော့.....
သခင်ရယ်စဉ်းစားပါဦး
စပါးလုံးတွေ တထွေးကြီးနဲ့ 
ထမင်းလေးက တစ်ပန်းကန်
ဆိုင်လက်ကျန် ငပိချက်
ခါးသက်သက်သခွားသီး
အဲ့ဒါတွေ.......ငါ့ကိုကျွေးပြီးတော့....
ဆယ်နာရီထိ ဆိုက္ကားနင်း
မိုးလင်းနီးနီး ကဗျာရေး
သခင်ကျွေးတာနဲ့ သခင်ခိုင်းတာ
နှိုင်းဆလို့  ပြန်ကြည့်ပါဦး တဲ့........။
အစာအိမ်ရဲ့စကားတစ်ခွန်း
ငါလေ သနားလွန်းလို့ 
ပွန်းပဲ့နေတဲ့  ငါးဆယ်တန်တစ်ရွက်ကိုထုတ်
ဆန်ကွဲနဲ့လုပ်တဲ့မုန့်တစ်ချပ်
ကဲ..ရော့ မင်းအတွက်ဆိုတော့
ကျွန်တော့်ဘက်ကိုလှည့်ကာပြုံး
သူပြောလိုက်တဲ့ စကားတစ်လုံးက
တစ်နေလုံးအတွက်လား သခင်ရယ်..တဲ့။
No comments:
Post a Comment